Il-Brodu hija rock band mhux dixxiplinata b’elementi minn stili oħrajn bħall-funk, il-blues u d-doom metal.

Fil-banda hemm iz-Zizza(drums u kant), il-Fre(bass), id-Drinu(kitarra tad-dawl), Samwel(pjanu) u Vanni(kitarra w kant). L-Influwenzi muzikali tal-Brodu huma: Verdena, Beatles, Bob Marley, Black Sabbath, Led Zeppelin, il-bossa nova u hafna iktar.

Il-brodu jkantaw bil-Malti u gieli bl-Ingliz, jew b’xi lingwi ohra, u ddebuttaw fil-Lissen Festival tal-2012, kif ukoll daqqew iz-Zion qabel il-grupp Iskay.

Il-Brodu irrekordjaw l-ewwel album tagħhom imsejjaħ “Ħabullabullojb” ġewwa t-Temple Studios fil-Mistra bi produzzjoni ta’ David Vella. L-album ġie mniedi ġewwa r-Razzett l-Aħmar fil-Mosta nhar l-14 ta’ Novemberu 2014.

It-tieni album imsejjah ‘Tfejt’ gie irrekordjat ġewwa t-Temple Studios fil-Mistra bi produzzjoni ta’ David Vella, u ġie mniedi fid-9 ta’ Lulju 2017 ġewwa St James Cavalier il-Belt Valletta.